Sa Totoo Lang...
Masakit sa tenga
Ang katahimikan.
Kapag binasag mo naman,
Masakit sa puso.
Mga salitang
Sapat na ang talim
Upang hiwain ang kawalan
Ng kasagutan sa mga tanong.
May tinatago,
May ibinubunyag.
Magkatulad lang sila.
Parehong nakakasakit.
Maraming sinasabi
Wala namang kwenta.
Maraming may kwenta
Ang hindi nasasabi.
Hindi lahat ng tao
Ay nabubuhay sa talinhaga.
Katahimika’y ibinubunyag
Ng binubunyag nitong katahimikan.
Maingay, tahimik.
Tahimik, maingay.
Walang masasaktan, ah.
Pare-pareho lang kayong mga hibang
Sa palagay ko.
Walang komento:
Mag-post ng isang Komento