Ano'ng Trip ng Kalawakan?

Ano kayang trip ng kalawakan? Hindi ko maarok. May mga bagay na hindi niya pinapahintulutang makita natin pero nandiyan. May mga bagay na matagal nang patay pero nandiyan. Hindi mo maintindihan pero nandiyan. Napakalawak ng kalawakan upang maging angkop at magkasya siya sa pangalan niya, o di kaya’y sa utak ko. Teka, teka. Hindi kaya naiinip ang mga bitwing nakatengga sa kalangitan? Kung may noo lang siguro ang araw, matagal na itong nakakunot. Mainit ang buwan dahil sa ilaw nito pero malamig pa rin talaga sa gabi. Bakit kaya ganun? At kung hindi bawal magtanong ng bakit, bakit? Nakakangawit kaya ng utak mag-isip. Mamaya na nga lang ulit. Hindi ko na ‘to trip pero wala pa ring basagan, ah.