Tuwing gigising siya’t
Yayakap sa akin,
Nakakalimutan kong huminga.
At ako’y pipikit sa pagnamnam
Ng mga nakaw na segundo.
Parang
Dalawampung pahina
At higit pa
Ang kaya kong isulat,
Sa katotohanan ng mga sandali.
Sa paglisa’y wag magmadali,
Pakiusap.
Sana pagmulat ko’y nariyan pa,
Nais masdan mga mata
Sa ga-ikling segundong natitira.
At sa akma niyang pagpanhik,
Lilingunin kaya niya ako pabalik?
Sana.
Walang komento:
Mag-post ng isang Komento